Saturday, April 04, 2009

Kate Dalrymple

Words:
William Watt
(1792-?)

Melody:
Traditional




In a wee cot house far across the muir
Where pease-weeps, plovers, an' waups cry dreary,
There liv'd an' auld maid for mony lang years,
Wha ne'er a woo-er did e'er ca', dearie.
A lanely lass was Kate Dalrymple,
A thrifty quean was Kate Dalrymple;
Nae music, exceptin' the clear burnie's wimple,
Was heard round the dwellin' o' Kate Dalrymple.

Her face had a smack o' the gruesome an' grim,
That did frae the fash o' a' woo-ers defend her;
Her long Roman nose nearly met wi' her chin,
That brang folk in mind o' the auld witch o' Endor.
A wiggle in her walk had Kate Dalrymple,
A sniggle in her talk had Kate Dalrymple;
An' mony a cornelian an' cairngorm pimple,
Did blaze on the dun face o' Kate Dalrymple.

She span terry woo' the hale winter thro'
For Kate ne'er was lazy, but eident and thrifty;
She wrocht 'mang the peats, coil'd the hay, shor the corn,
An' supported her sel' by her ain hard shift aye.
But ne'er a lover came to Kate Dalrymple,
For beauty an' tocher wanted Kate Dalrymple;
Unheeded was the quean, baith by gentle and simple,
A blank in existence seem'd puir Kate Dalrymple.

But mony are the ups an' the downs in life,
When the dice-box o' fate's jumbled a' tapsal-teerie,
Sae Kate fell heiress to a rich frien's estate,
An' nae langer for woo-ers had she cause to weary.
The Laird came a-wooin' soon o' Kate Dalrymple,
The Lawyer, scrapin', bowin', fan oot Kate Dalrymple;
Owre ilk woo-ers face was seen love's smilin' dimple,
Sae noo she's nae mair, Kate, but Miss Dalrymple.

She often times thocht when she dwelt by hersel',
She could wed Willie Speedyspool, the sarkin' weaver;
An noo unto Will she the secret did tell,
Wha for love or for interest did kindly receive her.
He flung by his beddles soon for Kate Dalrymple,
He brent a' his treddles doon for Kate Dalrymple;
Tho' his richt e'e doth skellie an' his left leg doth limp ill,
He's won the heart an' got the hand o' Kate Dalrymple.

4 comments:

Anonymous said...

ah at last, I found your article once more. You have few [url=http://tipswift.com]useful tips[/url] for my school project. Now, I won't forget to bookmark it. :)

Anonymous said...

nice article. I would love to follow you on twitter. By the way, did anyone hear that some chinese hacker had hacked twitter yesterday again.

Anonymous said...

Just want to say what a great blog you got here!
I've been around for quite a lot of time, but finally decided to show my appreciation of your work!

Thumbs up, and keep it going!

Cheers
Christian, iwspo.net

bamboo said...

I well remember the Glasgow Orpheus Choir singing "Kate Dalrymple" at their concerts in the 1940s. Sadly, it does not seem to be among their extant recordings.