Friday, July 08, 2005


Cauld winter was howlin’ o’er moor and o’er mountain
And wild was the surge o’ the dark rolling sea
When I met about daybreak a bonnie wee lassie,
Who asked me the road and the miles tae Dundee

Says, I ‘my young lassie, canna weel tell ya
The road and the distance I canna weel gie:
But if ye’ll permit tae gang a wee bittie.
I’ll show ye the road and the miles tae Dundee

At once she consented and gave me her arm;
Ne’er a word did I speir wha the lassie might be,
She appeared like an angel in feature and form,
As she walked by my side on the road to Dundee.

At length wi’ the Howe o’ Strathmartine behind us,
And the spires of the toon in full view we could see;
She said “Gentle sir, I can never forget ye
For showing me so far on the road to Dundee.”

“This ring and this purse take to prove I am grateful
And some simple token in trust ye’ll gie me,
And in times to come I’ll the laddie remember
That showed me the road and the miles to Dundee.”

I took the gowd pin from the scarf on my bosom,
And said “Keep ye this in remembrance o’ me”
Then bravely I kissed the sweet lips o’ the lassie
Ere I parted wi’ her on the road to Dundee.

So here’s to the lassie I ne’er can forget her
And ilka young laddie that’s listening to me
No never be sweir to convoy a young lassie
Though it’s only to show her the road to Dundee.

No comments: